IraqiChick المشرف العام
عدد الرسائل : 245 العمر : 33 الاقامة : UK شكرا : -1 نقاط : 23327 تاريخ التسجيل : 03/06/2008
| موضوع: امثال عراقيه جريئه وتفسيرهه على واقعنا في العراق ..... الخميس يونيو 26, 2008 11:42 am | |
| 1- أبن الحلال بذكره ( الانفجار)
2- تمخض الجبل فولد فأراً ( صرفو مليارات والكهرباء بالقطارة )
3- أحبك وانت لابسني ( التبريد )
4- اسمه بلحصاد ومنجله مكسور ( ناس اتداوم بالبيوت و يستلمون رواتب)
5- تيتي تيتي مثل ما رحتي جيتي ( معاناة العراقيين )
6- ان اكرمت الكريم ملكته, وان اكرمت اللئيم تمردا ( الاردن )
7- لا حظت برجيلها ولا خذت سيد علي ( جبهة التوافق )
8- من تمشي تتعثر بيه .. ومن تريده ما تلكيه ( الشرطة )
9- غراب يكول لغراب وجهك اسود ( اتهامات بين اعضاء الحكومة )
10- لا خبر لا جفيه لا حامض حلو لا شربت ( جية بوش ورامسفيلد كلها مفاجئة )
11- يركض والعشا خباز( العراقي الشريف )
12- المنحوس منحوس حتى لو حطوا براسة فانوس ( معاناة العراقيين مع الفيزه والاقامات )
13- الكبير كلب .. الصغير كلب ابن كلب ( بوش الاب وبوش الابن)
14- الجانت عايزه.. التمت.. ( فوك الكونكريتات كامو يفجرون جسور وانفاق )
15- بيدر الذهب هم يحتاج بيدر الدخن ( احنا اهل النفط ... نستورد مشتقاته )
16- جيب اليل .. وأخذ عتابه ( اذا عندك معتقل اتريد تعرف وين وليش )
17- حظي بكل شي اسود بس بالركي أبيض (عراقي مو بالحكومة)
18- الفكر فوك البعير و عضه الجلب ( عراقي راح للصومال ما حصل فيزا )
19- ما لقوا بالورد عيب قالو خده احمر ( الكهرباء تنتل مو مو زينه عليكم )
20- ابن خالة الخياطة اللي خيطت بدلت العروس ( حتى هذا حصل وظيفة من يم المسؤولين )
21- إيطلّع من الحافي نعال ( ابو البلدية )
22- أحترك الأخضر واليابس ( مفخخات الاسواق تقتل السنه والشيعه )
23- أتعلّم الواوي على أكل الدجاج ( شوكت يعوفون الكراسي )
24- باب النجار مخلوع ( ناس تحجي بالدين ولا دين لهم )
25- راح الاكو والماكو ( العراق وثرواته )
26- راح دمه هدر ( الشعب العراقي )
27- رزق الشباب ورا الباب ( الاحزاب هيه الابواب لأن ماتشتغل الا بتزكية )
28- روحه بلا رده ( انسحاب اي شخص من الحكومة )
29- شوفوني نجوم الضحى ( خطط امنية خمس نجوم )
30- اللي يشوف الموت يرضى بالصخونة ( شطلعنه لغير بلاد لوما الوضع ؟)
31- زاد الطين بله ( كل مسؤول يصرح يزداد الوضع سوء)
32- عامي شامي ( رصاصات الجيش والشرطه )
33- شتحط الها حتى تطيب؟ ( الوضعيه )
34- شعره من جلد خنزير ( الحصة التموينية )
35- شعيرك ولا حنطتهم ( عدنه شعير ونستورد الحنطه من استراليا ابعد مكان )
36- شعيط معيط وجرار الخيط ( يقررون مصير العراق )
37- شفت بعيني محد كلي ( ابو غريب )
38- الركعه زغيره، والشك جبير ( توحيد صفوف العراقيين )
39- شكينا الدف، وبطلنا الغنا ( بعنا بيوتنا وسافرنه )
40- الشمس ماتتغطى بالغرابيل ( يطلعو دعايات - يمضون ونبقى )
41- شنو هل اللذة من هالفقر ( حواجز كونكريتية و فردي وزوجي )
42- شافنا سود عباله هنود ( على ابو ديمقراطية وحرية )
43- صار تاليها انكس ( من اولها والحمد لله )
44- صانوط لاموط، ( كلمن يحجي يموت )
45- الصبر مفتاح الفرج ( حتى المفتاح مولس )
46- الطباخ ما ياكل من طبخه ( طبخولنا حياتنا وماضاكوها )
47- الطبيعة تغلب التطبع ( كركوك عراقية )
48- طرطميس لا جمعه ولاخميس ( الجامعه العربية )
49- طماطه، ترهم على كل شي ( تغيير التشكيلة الحكومية مجرد مداورة الاسماء )
50- عادت المياه الى مجاريها ( وكل المجاري طايفه )
51- علج المخبل ترس حلكه ( كل مسؤول شكد حاط حماية )
52- عند البطون تعمى العيون ( من يلغفون كلها تغمض )
53- غاب القط العب يا فار ( والله دتلعب الجريدية )
54- فوك حكه دكه ( يخطفون وياخذون الفدية ويكتلون )
55- كل لشه متعلكه من كراعينها ( الجثث مجهولة الهوية باهلنا شيعة وسنة واكراد )
56- إللي ما إله أول ما إله تالي ( للي جوي من ايران)
57- الميعرف يركص يكول الكاع عوجه ( تبرير سوء الاوضاع بوجود الارهاب )
58- ياكلون تمري ويضربوني بالنوه ( الاردن )
59- يشتري من عدّنا ثلح و يبيعلنا مّي بارد ( كل الدول المجاورة )
60- تالي الليل تسمع حس العياط ( الله يدري شظاميلنه بعد )
منتظرة ردودكم تحياتي الكم | |
|
Hanoda Admin
عدد الرسائل : 115 العمر : 35 الاقامة : دنمـــــــــــــارك البلد : : شكرا : 0 نقاط : 23350 تاريخ التسجيل : 27/05/2008
| موضوع: رد: امثال عراقيه جريئه وتفسيرهه على واقعنا في العراق ..... الأحد يونيو 29, 2008 8:15 pm | |
| | |
|