IraqiChick المشرف العام
عدد الرسائل : 245 العمر : 33 الاقامة : UK شكرا : -1 نقاط : 23327 تاريخ التسجيل : 03/06/2008
| موضوع: محاورة بين اب وابنه الخميس يونيو 05, 2008 1:58 pm | |
| الولـــد: - يبويه الحمد لله واحجي ويــّــاك *** صار سنين صوتك ما سمعته اعذرني يبويه العبرة بالروح *** اون هســّـة اون بس ونتي سكتة شلونك يلي روحي لروحك تدير *** شلونك بوية عل صبر الصبرتة
الوالــد: - انا البية المصايب نزلن رداح *** أنحنى ظهري يبويه بدونك انتة ربـّـيتك جرح من عمري ظنيت *** تعوّضني التعب ذاك التعبته شضنـّـك افترق ولوحدي ضليت *** القلب ماظن تهوّد يوم ونتة شحجيلك يبوية شسوه الفراق *** بغيابك جبل من هم حملته
الولـــد: - بوية ومانسيتك انا والله *** بعدها دموع عينك يمي تذكار جمر هذا القلب ما ضل صبر بيه *** وانا الخاطر اعيونك احمل النار مو قصدي الفراق ولانه اهواه *** بس شفت الوكت وياكم اندار تحملت الغرب بس كون اوافيك *** لجن ندمان بوية على الجرى وصار
الوالــد: - شفت الغربة بوية وحالك شلون *** الغريب شما تعب ما يلكه راحة هلك بوية و لون الحزن مر بيــك *** تلكة وجوه مليانه سماحة انا الردتك يبوية لساعة العوز *** الوكت هسة الوكت طبعة الوكاحة
الليالي للاحبهم صدق شتان وعلي بالصيف لا يالولد شتان تعال انتة بغربتك بعد شتان طحت و الوكت أوجر حيل بية
الولـــد: - بوية الغربة ذلة وانا ذليت *** بغربتي الوكت دك دكات وياي الف موتة اموت وانتهي هنا *** ويا بوية شثكلها هموم دنياي اذكر مشيتك من تدخل البيت *** يهزني الحلم جنك بالصدق جاي افز اتمرحب واعثر بالاشواق *** أعله خدّي نار تنزل بوية مو ماي ماظن ألكه مثلك لا ولايصير *** انا بهيبة عقالك ارهب عداي
الوالــد: - أبجي و ما أريدن دمع بالعين *** خل من قلبي دمّ لفرقتك يجري توسلت الصبر من شفت قلبي اعتاس *** بس خان الضنون ومانفع صبري اشتاق الكــه دمعة بكد حنين الروح *** صفة وكتي دمع وك وشلت عمري ردتك تجوة الي بيوم اليذبني الضيم *** طحت هسة انا بعدك وانكسر ظهري ويابوية غربتك بسمرت بالروح *** اكل قلبي الفراق وانت ما تدري
الولـــد: - شمدريني الوكت ما ينصف وياي *** لو ادري اعتقد ما فارقتكم اشتريت الغربة بس صدقوني يحباب *** بعت الدنيا كلها وما بعتكم هلي شجم ذكرة ضلت يمكم هناك *** وجم صورة ألي بالحيطان عدكم
بوية شلونكم والله انا مشتاق *** اتمنى انا يمكم هسة غافي رصيف الغربة متعب نومتة شلون *** اذا مو ام تنومك بالعوافي ياذلة غربتي وذلة الروح *** على جمر القهر كمت آنه امشي حافي اذكر كعدتي وكومتي وياك *** يبو قلب الجبير العمره صافي
الوالـــد: - ها بوية شفت نار المسافات *** وشفت الغربة هسة وحالك شلون يبني الغربة تحفر حفر سكـّــين *** ويحتاج الغريب لدمعتة عيون تعال وشوف بيتك والحياطين *** على كل ذكرة منك شو يونوون اخوتك لو خواتك من يشوفون *** لمـّــه أصحابك و كلهم يضحكون يصير البيت دمعة ويشتعل نار *** وكبل لا تبجي امك همـّــه يبجون بعد لسة غرفتك بيها الاشواق *** وبعد كل ذكرياتك لسة بيها من نشتاق الك وتهزنا الهموم *** نجي وبدموعنا نعاين عليها
الولـــد: - وانا لوحدي وصوركم كلها وياي *** صارتلي صبر كل التصاوير افرشهن كبالي من يجي الليل *** واحس العين هيــّــه بلا وعي ادير هاي امي وابوي وكل الاحباب *** يكون الروح طير ويمكم ايطير
| |
|
البنوتة الحلوة مشرفة قسم الالعاب والمسابقات و قسم الجرافيكس
عدد الرسائل : 156 شكرا : 0 نقاط : 23324 تاريخ التسجيل : 01/06/2008
| موضوع: رد: محاورة بين اب وابنه الخميس يونيو 05, 2008 5:14 pm | |
| | |
|
عراقي و أفتخر عضو حبوب
عدد الرسائل : 120 العمر : 33 الاقامة : الــــعـــــراق شكرا : 0 نقاط : 23324 تاريخ التسجيل : 01/06/2008
| موضوع: رد: محاورة بين اب وابنه الجمعة يونيو 06, 2008 1:57 am | |
| شكرا أختي IraqiChick على الموضوع الجميل | |
|
IraqiChick المشرف العام
عدد الرسائل : 245 العمر : 33 الاقامة : UK شكرا : -1 نقاط : 23327 تاريخ التسجيل : 03/06/2008
| موضوع: رد: محاورة بين اب وابنه الجمعة يونيو 06, 2008 11:38 am | |
| | |
|
noor عضو حبوب
عدد الرسائل : 105 العمر : 40 الاقامة : دنمارك شكرا : 0 نقاط : 23406 تاريخ التسجيل : 01/06/2008
| موضوع: رد: محاورة بين اب وابنه الثلاثاء يونيو 24, 2008 1:41 am | |
| | |
|
IraqiChick المشرف العام
عدد الرسائل : 245 العمر : 33 الاقامة : UK شكرا : -1 نقاط : 23327 تاريخ التسجيل : 03/06/2008
| موضوع: رد: محاورة بين اب وابنه الثلاثاء يونيو 24, 2008 4:24 pm | |
| | |
|
sara عضو جديد
عدد الرسائل : 86 العمر : 36 الاقامة : danmark شكرا : 0 نقاط : 23429 تاريخ التسجيل : 29/05/2008
| موضوع: رد: محاورة بين اب وابنه الثلاثاء يونيو 24, 2008 4:33 pm | |
| شكراا على الموضوع عاشت ايدج | |
|
IraqiChick المشرف العام
عدد الرسائل : 245 العمر : 33 الاقامة : UK شكرا : -1 نقاط : 23327 تاريخ التسجيل : 03/06/2008
| موضوع: رد: محاورة بين اب وابنه الأربعاء يونيو 25, 2008 11:22 am | |
| و عاشت ايدج و شكرا على مرورج الحلو | |
|